عمر — Pharmacogon

الرسالة

مش بحاول أكون دكتور — بحاول أكون الحاجة اللي ما كانتش موجودة لما احتجتها.

من وين بدأت

في سنتي الأولى في الجامعة، وأنا عندي ١٨ سنة، لاحظت إن شعري بيتساقط.

صورة عمر وقت بداية تساقط الشعر
أنا وقتها — بداية تساقط الشعر

بحثت في كل حاجة على الإنترنت — ولقيت معلومات غلط في غلط. “ما فيش حل غير الزراعة.” “الأدوية مش بتجيب نتيجة.” قررت أجرب بنفسي، أبني روتين، وأفهم الموضوع من جذوره. النتيجة كانت مبهرة — لدرجة إن الناس بدأت تسألني: “إنت عملت إيه بالظبط؟”

في نفس الوقت، كنت بعاني من حاجات تانية — وزن زيادة، تعب، مشاكل في صحتي وشكلي كنت مش راضي عنها. فبدأت أشتغل على نفسي بجد: هرمونات، تغذية، تدريب، وبحث علمي حقيقي — مش بس أقرأ الـ abstract، لأ، أفهم الدراسة كاملة وأعرف أفسّرها صح.

صورة عمر قبل رحلة خسارة الوزنصورة عمر أثناء فترة المرض
الفترة دي كنت تعبان فعلاً — بسبب نمط حياة غلط ووزن زيادة
صورة عمر بعد تغيير نمط حياته
النهاردة — بعد ما غيرت نمط حياتي

ده خلاني أحب الـ research، وأحب إني أترجمه لخطوات عملية بتفرق في حياة الناس.

مش دكتور — وده مش نقص

أنا صيدلاني إكلينيكي، وأؤمن إن دور الصيدلاني مش إنه يصرف دواء. ده إنه يفهم الصورة الكاملة لصحة الإنسان — يضبط الخطة العلاجية، ويمنع المشاكل قبل ما تحصل.

في استشاراتي، الناس بتيجي تسأل عن الشعر — وبتخرج وهي فاهمة أكتر عن صحتها كلها. بحدد ليك مشاكل ممكن تكون مش واخد بالك منها، وبديك نصايح عملية — في السابليمنتس، أو تغييرات بسيطة في نمط حياتك — ممكن تفرق فرق حقيقي في جودة حياتك.

على مدار السنين، اشتغلت مع آلاف العملاء وساعدت ناس كتير غيّرت حياتها فعلاً — مش كلام، في كومنتات ورسايل بتوصلني كل يوم بتقول ده.

٤٠٪ من عملائي من القطاع الطبي — أطباء وأطباء أسنان وصيادلة وطاقم تمريض. مش لأني “الأعلم” — لكن لأني بشتغل بطريقة مختلفة.

لو عندك سؤال أو عايز تشوف إزاي ممكن أساعدك — احجز استشارة وابدأ من هنا.

احجز استشارتك

بنستخدم الكوكيز عشان الموقع يشتغل بشكل أحسن. سياسة الخصوصية